33. ਓਹੀ ਕੁਝ, ਜ਼ਰਾ ਫਰਕ ਨਾਲ਼। First Reboot
ਚੇਤਾਵਨੀ
ਆਪਣਾ ਦਿਮਾਗ ਆਪ ਠੀਕ ਕਰਨਾ ਇਕ ਗ਼ੈਰ ਕਾਨੂੰਨੀ ਅਰ ਗ਼ੈਰ ਜ਼ਿੰਮੇਦਾਰਾਨਾ ਕੰਮ ਏ। ਸਿਰਫ਼ ਪੇਸ਼ੇਵਰ ਟੀਵੀ ਠੀਕ ਕਰਨ ਵਾਲਿ਼ਆਂ ਤੋਂ ਹੀ ਠੀਕ ਕਰਵਾਓ।
-ਜਨ ਹਿਤ ਚ।
"Come early if you can, or we will have to close the kitchen for good. I called many, but didn’t have a response. Come if you can, I am working alone. Come via back door."
ਮੈਂ ਨੱਸ ਕੇ ਗਿਆ, ਪਰ ਸਿੱਧਾ ਅੰਦਰ ਜਾਣ ਦੀ ਬਜਾਏ foodbank ਦੇ ਪਿਛਲੇ ਬੂਹੇ ਮੁਹਰੇ ਬੈਠੇ ਝੋਲਾ-ਚੁੱਕ ਵਿਦਵਾਨਾਂ ਨਾਲ਼ ਕੁਝ ਦੇਰ ਸਰਕਾਰ ਤੇ ਤੀਮੀਆਂ ਬਾਰੇ ਗੋਸ਼ਟ ਕੀਤੀ, ਅੱਧੀ ਕੁ ਸਿਗਟ ਪੀਤੀ ਤੇ ਸੀਟੀ ਮਾਰਦਾ ਪਿਛਲੇ ਬੂਹਿਓਂ ਅੰਦਰ ਜਾ ਵੜਿਆ।
ਆਪਣੇ ਨੱਥ, ਕੰਗਣੇ ਅਲਮਾਰੀ ਚ ਸਾਂਭ ਮੈਂ ਜੂਠੇ ਭਾਂਡਿਆਂ ਦੇ ਢੇਰ ‘ਤੇ ਛਾਲ਼ ਮਾਰ ਦਿੱਤੀ। ਰਸੋਈ ਦੀ ਇਕ ਨੁੱਕਰੇ ਅਜੇ ਸੌ ਤੋਂ ਪੰਜ ਕੁ ਘੱਟ ਸਾਲਾਂ ਦੀ ਤੀ੍ਰਮਤ ਪੱਤਾਗੋਭੀ ਗ਼ਲਤ ਢੰਗ ਨਾਲ਼ ਧੋ ਰਹੀ ਏ। ਮੈਂ Leanne ਨਾਲ਼ ਅਜੇ ਇਸ ਬਾਰੇ ਗੱਲ ਕਰਨੀ ਏ। Leanne ਇਸ ਵੇਲ਼ੇ ਰਸੋਈ ਚ ਨਹੀਂ, ਕਿਹੇ-ਥਾ ਲੁਕੀ ਪਾਠੀ ਨਾਲ਼ ਮੀਟ ਵਢਦੀ ਹੋਣੀ ਏ। ਮੁੜ ਆਈ ਭਾਂਡੇ ਧੁਲ਼ੇ ਵੇਖੇਗੀ ਤਾਂ ਕੁਝ ਧਰਵਾਸਾ ਹੋਵੇਗਾ। ਚੰਗਾ ਏ ਕਿਸੇ ਕੰਮੀਂ ਲੱਗੀ ਏ, ਨਹੀਂ ਤਾਂ ਮੇਰੇ ਸਿਰ ‘ਤੇ ਚੜ੍ਹੀ ਹੋਣੀ ਸੀ।
ਇਸ ਨਵੀਂ ਮੁਹਿੰਮ ਚ ਮੇਰੇ ਟੱਬਰ ਵੱਲੋਂ ‘ਮੇਰੇ ਦੁਆਰਾ-ਮੇਰੇ ਭਲ਼ੇ ਲਈ’ ਕੁਝ ਨਵੇਂ ਨਿਯਮ ਜਾਂ rules ਬਣਾਏ ਗਏ ਸਨ। ਏਨ੍ਹਾਂ ਨਿਯਮਾਂ ਦੀ shorthand ਚ ਲਿਖੀ ਇਕ ਪਰਚੀ ਮੇਰੀ ਪਿਛਲੀ ਜੇਬ ਚ ਪਾਈ ਗਈ ਸੀ, ਤਾਂ ਕਿ ਮੁਸ਼ਕਿਲ ਸਮਿਆਂ ਚ ਮੈਂ ਇਹ ਨੁਸਖੇ ਪੜ ਸਕਾਂ। ਪਹਿਲਾ ਨੁਸਖਾ ਸਾ- ਅੱਜ ਵੀ ਕੰਮ ‘ਤੇ Leanne ਨੂੰ coffee ਲਈ ‘ਨਹੀਂ ਪੁੱਛਣਾ’। ਬਾਕੀ ਦੇ ਮੈਂ ਪੜ੍ਹੇ ਨਹੀਂ। ਮੈਂ ਅਜੇ ਵੀ ਪੂਰੀ ਨੀਠ੍ਹਾ ਰਖਦਾ ਸਾਂ ਕਿ ਹੋ ਸਕਦੇ ਏ ਬਾਰੰਬਾਰ ਪੁੱਛਣ ਨਾਲ਼ ਹੀ ਗੱਲ ਬਣਦੀ ਹੋਵੇ?
The first reboot changes almost nothing—and yet everything feels slightly displaced.
Same foodbank, same people, same Leanne, same dishes. Only the perspective has been nudged, and the body arrives carrying a new set of rules.
The first rule is simple: don’t ask Leanne for coffee. Of course, he immediately begins wondering whether "breaking te first rule" might be the thing that finally works.